星光路上足本版｜豹嫂胡蓓蔚歌手出身多功能轉型 爆豹哥百厭傾音樂無情講

胡蓓蔚 除咗係大家熟悉嘅「豹嫂」之外，近日參與《我推的野男Live！》主持，過往亦曾擔任過唔同音樂節目主持同劇集演出，最近佢喺社交平台Cover唔同音樂作品，歌聲令人讚嘆。呢日佢接受《星光路上》  潘盈慧 專訪其實Paisley早年曾赴芨美國鑽研音樂，早喺年輕時代就以歌手身份出道，90年代初已出道推出唱片。
豹嫂當年歌手出身，後來逐漸轉型成為主持同演員

主持經驗豐富又壓場感十足嘅佢，其實細細個已經係電視台合唱團成員，仲被唱片公司高層睇中因緣際會下輾轉來港成為歌手為佢推出唱片。發展未如預期，歌手合約完結，亦因為當年佢嘅流利普通話，順理成章就轉任為TVB嘅普通話節目主持人之一。
當年唔少音樂節目都見到佢身影

一轉型就要主持全直播節目，Paisley既緊張亦為他日嘅反應打好根基，後來再轉任《無間音樂》、《勁歌金曲》，慢慢再轉化成為演員同時擔任司儀。

佢最近網上嘅一連串翻唱，歌聲清澈動人，當大家都以為係平時最鍾意曬恩愛嘅音樂人出身老公 豹哥 單立文為佢Set Up，點知Paisley就爆料，話豹哥冇理過，全靠一位朋友幫手，仲話要喺豹哥返屋企前錄完，因為佢一喺屋企就會諸多事幹，實多多聲氣話唱得唔好咁話。不過Paisley重申，平時恩愛係真嘅，只不過一講到音樂就冇情講，要求非常高呀。
亦曾參與過唔同戲劇演出

呢對鬼馬夫妻一出現就令大家有唔少歡笑，Paisley就直指老公性格被自己融化，仲踢爆當年豹哥曾將愛意偷偷譜進歌詞當中，而呢個Band仔雖然不時都無嚟正經，不過要嚴肅討論時就往往一針見血，直達問題重心咁話。
不過豹嫂就明言未習慣自己演戲嘅一面

雖然不時都同圈中老友有聚會，不過Paisley就指豹哥都滴酒不沾，外傳原因仲非常令人捧腹，因為當年係醉酒後應承迎娶Paisley，令佢「抱憾終生」，不過其實都只係笑話。
不過一直有努力投入唔同角色當中

兩位音樂人轉型成為演員，不過夫妻間就甚少討論如何演出，當年拍《On Call 36小時》首次正式拍劇，不過佢就話未識享受當中感受喇。而最近嘅《旁觀者》同 黃敏奕 合作，就令佢非常滿意喇。
最近主持《野男》令佢覺得非常好玩

至於最近重拾咪高峰主持《野男》，佢就指多得拍檔間合作，亦大讚6號 火火 仲有 支嚳儀 身上各有唔同特質令節目更為有趣呀。