黎瑞恩個唱孖愛女跳唱連串快歌 聽聞蔡一傑病情盼好友早日康復

黎瑞恩相隔多年舉行一連兩場演唱會，除咗獻唱大家耳熟能詳嘅《一人有一個夢想》，又專程苦練跳唱《陽光路上》，為樂迷送上驚喜，黎瑞恩一對仔女亦有上台支持，21歲大女曾凱栭（Sheree）亦有陪媽咪喺台上表演連串快歌，展現舞姿技驚四座。

黎瑞恩再踏舞台舉行兩場演出
問到阿女Sheree係咪想入行，黎瑞恩指阿女本來想參加歌唱比賽，不過佢想阿女以學業為重，點知阿女喺尾場跳唱完，阿女又話唔想做歌手，黎瑞恩笑指阿女呻做歌星又要記台詞、又要記走位等太辛苦，但係黎瑞恩都畀阿女有95分。
囡囡Sheree仲登場同媽咪合唱快歌

本來仲有少少歌手夢嘅Sheree，跳唱完就打消入行念頭

講到好友蔡一傑喺社交平台透露做完切除腦瘤手術，黎瑞恩就早已聽聞傑仔嘅病情，希望好友多啲時間休息，早日康復。

小恩子指早已知道老友蔡一傑嘅病情，希望佢早日康復