蕭正楠貼錯相賀太太生日 黃翠如分享遮肚甜蜜照

啱啱過咗嘅10月23號係黃翠如43歲生日，身為老公嘅蕭正楠又點會冇表示呀！太太正日生日時，阿蕭就喺社交平台放曬閃咁寫「和她的第十個生日，感覺猶如第一個生日。你…….一直幸福」。

黃翠如43歲生日，身為老公嘅蕭正楠又點會冇表示呀！
按阿蕭同翠如嘅相處習慣，又點會唔整蠱對方，阿蕭喺帖文尾段寫上「唔好意思，唔小心放錯咗張相添，生日禮物請笑納」，原來佢放咗自己張上半身曬肌猛男相。

阿蕭放咗自己張上半身曬肌猛男相。

壽星女翠如近日不停被追問係咪有喜。
近日不停被追問係咪有喜嘅壽星女翠如，24號社交平台留言「健康，平安，喜樂」，兼且分享咗一張老公伏喺佢大罕遮住肚嘅甜蜜合照，兩公婆坐喺草地笑容燦爛。雖然未有任何好消息公布，但相信大家見到佢哋咁幸福，就好似楊卓娜日前同翠如為台慶劇《黑色月光》宣傳時，話「最緊要佢老公好，佢又好，咁我哋呢啲做姨媽就開心」。

翠如分享咗一張老公伏喺佢大罕遮住肚嘅甜蜜合照，兩公婆坐喺草地笑容燦爛。