衛詩雅激動首奪女演員獎 方中信獲男配驚甩假髮

衛詩雅憑電影《破·地獄》飾演救護員一角，獲得第39屆華鼎獎「華語最佳影視女演員」，而方中信就憑電影《金手指》獲得第三屆澳淶塢五大洲電影節金莉花獎「全球最佳男配角」獎，同場出席嘅石修及歐陽震華分別擔任「全球最佳男、女配角」及「全球最佳女演員」呢兩個獎嘅頒獎嘉賓。

衛詩雅憑電影《破·地獄》飾演救護員一角，獲得第39屆華鼎獎「華語最佳影視女演員」。

歐陽震華擔任「全球最佳女演員」頒獎嘉賓。
衛詩雅奪獎非常激動，覺得呢個獎對佢係一個肯定同被大家見到嘅機會：「呢個獎對我嚟講太重要啦！對演員嚟講係一個肯定。亦都係提醒人哋：『我仲喺呢行㗎，大家可以搵我演戲。』」對於有冇增加信心獲金像獎提名，衛詩雅坦言而家感覺實在啲、信心係高咗。

方中信就憑電影《金手指》獲得第三屆澳淶塢五大洲電影節金莉花獎「全球最佳男配角」獎。
方中信指手中嘅獎項並非屬於佢一個人，而係整個拍攝團隊嘅努力成果。佢話最難忘嘅一場戲係佢被殺後伏屍泳池，「我記得拍嗰陣時係冬天，其實都幾凍，我要趴喺水面，我都着咗潛水衣打底其實都OK嘅，問題不大。但係要孭住啲鉛帶，要做到半浮沉嘅效果，恐懼就冇，因為我都有潛開水。唯一係驚個假髮會甩，哈哈。」

石修擔任「全球最佳男、女配角」頒獎嘉賓。