林保怡終憑「白日之下」稱帝 心情激動興奮承諾繼續努力做好角色

方中信、林保怡（Bowie）、石修、歐陽震華、衛詩雅（Michelle）、柳岩、林明禎等一眾藝人齊集澳門出席世界電影產業大會，入行16年嘅衛詩雅更首次封后，憑《破‧地獄》首奪第39屆華鼎奬「華語最佳影視女演員」奬，令Michelle感到非常鼓舞，喺台上公開多謝電影團隊以及家人一直支持追夢，同時亦感謝電影令佢人生充滿色彩。Michelle受訪時心情仍然激動，因為獲獎對佢來講係個好大肯定，有機會被人看見，獲獎一刻佢最想同團隊分享，認為獎項係屬於整個團隊，往後希望有更多好角色帶畀觀眾。

入行16年嘅衛詩雅更首次封后，憑《破‧地獄》首奪第39屆華鼎奬「華語最佳影視女演員」奬。
至於「華語最佳影視男演員」奬就由內地演員魏晨奪得，魏晨由歌手轉型演員，如今努力終於被肯定，好感激家人同粉絲多年支持，若果冇佢哋嘅厚愛，並不會拿到獎項，特別魏晨係以歌手出道，演戲對佢嚟講充滿難度挑戰，如今終於夢想成真。

「華語最佳影視男演員」奬就由內地演員魏晨奪得。
林保怡喺電影《白日之下》飾演院長一角，精湛演技令佢首度衝擊金像影帝，Bowie呢次憑院長奪得金莉花奬「全球最佳男主角」奬，坦心情好激動，因為角色一直獲提名不同頒獎禮，終於攞到獎，對佢來講係莫大鼓勵，承諾觀眾會繼續努力做好角色，感受到觀眾對佢有好高要求。

林保怡喺電影《白日之下》飾演院長一角，精湛演技令佢首度衝擊金像影帝。
方中信則憑電影《金手指》獲金莉花獎「全球最佳男配角奬」，得奬時佢謙虛將榮耀歸功於團隊，形容係大家一齊努力嘅成果，雖然自己在圈中多年，但每位演員都希望可以喺台上攞獎，所以佢都特別開心，稍後方中信仲會有兩部電影推出。

方中信憑電影《金手指》獲金莉花獎「全球最佳男配角奬」。