王敏德周文健30年後再合作默契依舊 重影半裸海報造型嫌老土

莫文蔚、王菀之、謝君豪、林保怡、王丹妮、Eric Kwok、王敏德、周文健及魏浚笙等，呢日出席新戲首映，莫文蔚相隔19年再次跟劉德華合作，二人呢次鬥足戲癮，莫文蔚亦讚王菀之多才多藝，更自薦為偶像寫歌。
王菀之同莫文蔚話有種相逢恨晚嘅感覺。
魏浚笙同謝君豪。

王敏德（Michael）同周文健（Michael）相隔30年再度合作，完全冇影響彼此嘅默契，二人老友鬼鬼，兩位Michael早年曾合影半裸型格海報，王敏德坦言有試過重影海報造型，整個感覺太老土，所以最終冇用到，王敏德笑指而家得一嚿腹肌，唔知周文健仲係唔係8嚿腹肌；周文健講到喺片場啲人都係嗌Michael，周文健本身都係叫Michael，畀咗反應後，發現啲人係叫王敏德。
林保怡。王敏德同周文健。雙Michael當年嘅超HOT海報。