森美尊重前輩梁思浩加人工言論 自稱年年有人工加再努力「七街瞓」

森美早前同太太去大阪旅行時遇上Book好嘅酒店被中介網站臨時取消，差啲要瞓街，森美喺社交平台出片求助，最後獲朋友幫忙，成功即晚搵到住宿酒店，真係有驚無險，事件引發網上熱烈討論，亦吸引梁思浩喺自己嘅網上節目談論，曾做過DJ多年嘅思浩亦大爆廣播界內幕，透露每年11月廣播界都有「全港聽眾調查」，亦係DJ加人工嘅指標，推測森美忽然公開件事係為咗幫電台節目增加曝光，有刻意炒作之嫌。
森美呢日現身一個嘉年華活動任司儀。森美早前同太太去大阪旅行。
森美呢日現身一個嘉年華活動任司儀時亦大方回應，指純粹覺得經歷對自己嚟講係難得一遇體驗，冇前輩諗太多，但前輩喺廣播界多年，都睇通好多唔同窿路，森美話下年會努力於同一時間「七街瞓」，努力幫自己拉票。至於講到傳聞中所講嘅年尾調查加薪，森美表示現職電台好少有講，高層可能會知道，以佢所知只會以節目收聽率、做得好唔好來評分，不過自己每年都有加人工。
李亞男計劃同老公王祖藍開party慶祝結婚10周年。
同場出席活動仲有李亞男，亞男同老公王祖藍每年都會悉心安排慶祝結婚周年，講到明年係結婚十周年紀念，亞男透露想熱熱鬧鬧慶祝，有計劃舉行大型派對狂歡。而早前佢連同好友苟芸慧、岑麗香、王君馨一齊到廣州支持鍾嘉欣開騷，好姊妹難得重聚即成話，亞男大賣關子話未來佢哋都有可能再合體。
呢日出席活動嘅仲有ANSONBEAN。
Ansonbean去年因為同張天穎同遊嘉年華，兩人愛情因而曝光，活動上大會將照片翻出，Ansonbean睇見即面紅耳赤一臉怕醜，事後佢解釋自己都唔知點解，總之一提起女友就會面紅。