孕媽為睇周杰倫演唱會 於場館外排隊入場時臨盆

周杰倫嘅魅力真係非同少可，繼早前台灣站嘅巡迴演唱會門票光速售罄後，26號佢喺馬來西亞舉行演唱會時，有一名懷孕嘅fans於場館外排隊入場時突然臨盆，幸好最後呢名fans平安誕下BB。
周杰倫嘅演唱會令fans瘋狂。馬來西亞站有孕媽於場外生B。
周杰倫26號於吉隆坡舉行馬來西亞站巡場，而喺下午fans排隊入場時，就有人於網上發文表示，一名懷孕嘅fans於排隊時陣痛，而救護員到場後，順利為對方接生。有目擊者就影低對方被送上救護車一刻，並喺帖文中表示：「🇲🇾有人在周杰倫演唱會上生孩子🫢第一次在演唱會看到有人生孩子［抓狂］［抓狂］周杰倫演唱會真是傳奇😂😂」
陀住孖仔嘅馬來西亞網紅，雖然臨盆在即，但都堅持去睇周董演唱會。

兩公婆睇得好開心。

該網紅老公特登book定兩架救護車喺場外待命。

除咗呢位於場外臨盆嘅fans外，馬來西亞場亦吸引到一位同樣臨盆在即嘅當地網紅小敏入場睇騷，懷有雙胞胎嘅佢由於預產期於三日後，佢老公龍金城Travis為怕老婆睇騷時太激動而作動，於是事前就為對方預約咗兩架救護車於場外待命，小敏將停泊於場館外嘅救護車拍片放到限時動態，並表示：「原來是book兩輛 一輛開路 一輛載我 但是我真的不想用到啦😆」。
該網紅老公特登book定兩架救護車喺場外待命。該網紅老公特登book定兩架救護車喺場外待命。