Bob嫂孕期妊娠糖尿之苦陀細仔打咗980針 四孩之母產後確診糖尿病靠針藥控制

有圈中「多仔公」之稱嘅林盛斌（Bob）自2007年與太太Bob嫂黃乙頤（Pearl）結婚，育有三女一仔，一家六口生活幸福，作為四孩之母嘅Pearl之前陀B過程，真係一啲都唔易，飽受妊娠糖尿病之苦，Bob嫂噚日喺社交平台透露自己生完第4個收工嗰陣去檢查，確診糖尿病，自此又係人生另一個篇章嘅開始！

圈中「多仔公」之稱嘅林盛斌自2007年與太太Bob嫂結婚，育有三女一仔，一家六口生活幸福。
Bob嫂噚日喺社交平台透露自己唔係患妊娠糖尿咁簡單，平時糖尿指數都係偏高。Bob嫂回想陀二家姐林熹兒嗰陣要由懷孕第23週開始打胰島素針；陀三家姐林機兒就由懷孕第9週開始打胰島素針；到陀細仔林道申（Jaye） 已早於懷孕第4至5週就開始打針，Bob嫂坦言每日打四針，整個懷孕過程40週，由第5週開始打針，足足打咗980針，仲未計餐前餐後要篤手指驗血。
作為四孩之母嘅Pearl之前陀B過程，真係一啲都唔易，飽受妊娠糖尿病之苦。

Bob嫂讚做媽咪真係好偉大，而小朋友係天賜嘅禮物，「如果個天畀我，我會感恩接受，可以做得到就做。總之對得住自己，對得住個小朋友就OK」，Bob嫂又指去到陀第4個小朋友時，仍飽受妊娠糖尿之苦，佢話已經好識得點去處理，Bob嫂指要每餐打胰島素控制血糖，因為懷孕期間唔可以服用糖尿病藥物，只能靠胰島素針劑去控制 。

Bob嫂噚日喺社交平台透露自己生完第4個收工嗰陣去檢查，確診糖尿病，自此又係人生另一個篇章嘅開始！
Bob嫂坦言生完第4個收工後，佢就去咗做檢查確診糖尿病，雖然Bob嫂已習慣點樣處理糖尿病，但佢曾經歷過一個掙扎嘅過程 ，佢都好想鼓勵有同樣經驗嘅媽媽，「你哋真係好叻呀，總會過去的」。

Bob嫂又指去到陀第4個小朋友，要每餐打胰島素控制血糖，因為懷孕期間唔可以服用糖尿病藥物，只能靠胰島素針劑去控制 。Bob嫂陀細仔林道申（Jaye） 已早於懷孕第4至5週就開始打針，整個懷孕過程40週，由第5週開始打針，足足打咗980針。