杜德偉福州巡唱兩萬fans冒雨捧場 好兄弟蘇有朋《脫掉》露兩手

杜德偉（Alex）剛完成福州舉行巡迴演唱會，邀請曾同佢拍綜藝而成為好兄弟嘅蘇有朋，喺演唱會上一齊合唱《脫掉》露兩手。 Alex巡演第10站福州舉行，現場2萬人觀眾冒雨觀唱，熱爆場館。

杜德偉邀好兄弟嘅蘇有朋，喺演唱會上一齊合唱《脫掉》露兩手。
Alex與蘇有朋因《披荊斬棘》而成為友好，二人一見如故，Alex更指蘇有朋算係師兄，因為當年Alex喺台灣出道，「小虎隊」已經喺當地走紅。Alex邀請蘇有朋擔任表演嘉賓，讚蘇有朋馬上答應，當知道要一齊跳唱《脫掉》，Alex笑指要一齊除衫，蘇有朋就有啲尷尬話只可以除外套，露出一雙手臂，Alex笑言呢個孩子好可愛，自己又點會叫蘇有朋真係除衫！

Alex邀請蘇有朋擔任表演嘉賓，讚蘇有朋馬上答應。
Alex首次喺台上與其他歌手跳唱《脫掉》 ，預先拍咗影片畀蘇有朋練習舞步，到綵排嗰陣，蘇有朋只須要跟跳舞老師排兩次就直接上台演出，二人出乎意料咁合拍，演出帶來不少火花。Alex亦首度唱蘇有朋嘅作品《愛》，禮尚往來彼此互動一番。

Alex笑言呢個孩子好可愛，自己又點會叫蘇有朋真係除衫！
不少網友指呢次係蘇有朋36年嚟「首脫」，蘇有朋連自己巡演嗰陣都係包到實一實，今次為咗Alex喺演唱會上居然豪情露兩手，網民感到驚訝同興奮。
Alex巡演第10站福州舉行，現場2萬人觀眾冒雨觀唱。