梁朝偉率杜棋峯等任東京影展評審 《破．地獄》許冠文黃子華現身參展

第37屆東京國際電影節正式開幕，氣勢強勁即將上映嘅新片《破．地獄》主演 許冠文 黃子華 衛詩雅 同 導演 陳茂賢 亦都亮相當地，而 張艾嘉 監製嘅《女兒的女兒》入圍競賽單元，廿多年前曾任影展短片評審嘅 林嘉欣 今次以主演身份同 劉奕兒 仲有導演 黃熙 一齊參與盛會。趙麗穎 辛芷蕾 導演 唐季禮 張鈞甯 黃曉明 等藝人呢日亦有現身紅地氈。

《破．地獄》導演、衛詩雅、許冠文同黃子華現身東京影展
身為今屆影展評審主席嘅 梁朝偉 同 杜棋峯 橋本愛等評審團成員一齊現身，仲獲大會以「亞洲影壇寶石」形容佢，偉仔仲以日本同出席嘅來賓打招呼，之後以英文指，雖然非常困難，不過希望今屆評審選出嘅結果會令大家滿意。
偉仔則會擔任今屆評審主席

有份出席紅地氈嘅，仲包括最近盛傳同比自己年輕11歲年下男熱戀嘅女神級日本女星 凌瀨遙 ，呢日春風滿面嘅佢，被更被認為緋聞像真度極高喇。影展係日本影壇盛事，當然有大批當地紅星出席，好似 菊地凜子 水原希子 藤岡靛 米倉涼子 森田剛 成田凌 松坂桃李 方根京子 等。
近來傳出緋聞嘅凌瀨遙狀態一流

而 龜梨和也 同 窪塚洋介 現身時，就吸引全場女性嘅尖叫同心心眼喇，至於 三宅健 井上真央 同 菅田將暉 仲向紅地氈兩旁嘅Fans狂派紀念品，令現場又掀起一陣哄動。