陳瀅拍劇受傷大髀紅腫 網上展傷勢點名「真兇」馬貫東！

陳瀅（Jeannie）、張曦雯（Kelly）、羅毓儀（Yuki）及鍾柔美早前忙於拍TVB新劇《特勤女團》，四個女仔喺劇中組成女團齊齊查案，當中除咗有載歌載舞場面，更有唔少動作戲份，噚日陳瀅喺社交平台寫上「last day」，似乎新劇已煞科！ 

陳瀅、張曦雯、羅毓儀及鍾柔美早前忙於拍TVB新劇《特勤女團》。

佢哋喺劇中組成女團一齊查案，有載歌載舞場面，又有唔少動作戲份。

陳瀅噚日喺社交平台限時動態出Post分享拍劇受傷嘅情況，雖然冇講點樣受傷，但佢就喺Post點名馬貫東，並附有刀嘅Emoji。雖然陳瀅用膠袋遮住傷勢，不過唔難睇出佢大髀有一大片紅腫痕跡。而阿東轉Post兼留言「做咩咁唔小心呀」時，而陳瀅回覆：「因為你啲位太準啦。」相信係二人拍攝動作場面時，阿東唔小心誤傷陳瀅。 

陳瀅噚日喺社交平台限時動態出Post分享拍劇受傷嘅情況。

不過小小意外當然冇影響佢哋嘅友誼啦！事後陳瀅再次出Post，分享佢同Kelly、Yuki及阿東嘅合照，陳瀅仲擺出扭阿東耳仔嘅Pose，並寫上「Been a fun three months team（這是一個有趣的三個月團隊）」。

陳瀅擺出扭阿東耳仔嘅Pose。