洪金寶亮相東京電影節 黃子華談及執骨工作面對生死課題

《第37屆東京國際電影節》連日嚟喺東京舉行不少活動，喺10月31號晚就舉行「香港之夜」，出席嘉賓包括洪金寶、伍允龍、林嘉欣等，而入選「世界焦點」單元電影嘅電影《破‧地獄》演員黃子華、許冠文、衛詩雅同導演陳茂賢就現身戲院為電影謝票。
子華特登學咗幾句日文同當地影迷打招呼。
子華仲學咗幾句日文同影迷打招呼，講到為電影學咗為先人化妝同着衫。飾演道士嘅許冠文話戲中角色非常嚴肅，完全唔同仔女講嘢，同佢真人完全唔同。
衛詩雅都有飛到當地出席電影謝票。
參與電影演出，演員對殯儀業及殯喪儀式加入了解，衛詩雅就話自己更了解破地獄儀式。子華就指喺殯儀界顧問口中，得知更多執骨過程遇到挑戰同問題，以及面對生死嘅課題。
許冠文話戲中角色非常嚴肅。