劉德華為颱風影響場次補場 中午開騷興奮唱到跌咪

劉德華時隔11年再於台北開辦演唱會，原定10月31號舉行嘅頭場，就因秋颱「康妮」吹襲當地，原定話唱又唔唱而延期到今日中午補場演出，意味今日華仔一日內將要連唱兩場。

華仔於一片掌聲同尖叫不絕於耳之下現身，連唱三首耳熟能詳作品後，向全場觀眾話：「不用擔心 ，我們假裝是前天晚上，我們從頭再來 ！在過去的那一天，我在網上看到那些等了11年的fans，有你們在嗎？沒試過中午看演唱會吧？，我們就假裝是晚上7:29吧！」

演唱會後華仔對現場觀眾嘅熱情同反應非常窩心：「現場的觀眾很厲害，辛苦都是值得的！他們畢竟等了11年！」而完成中午嘅「首場」演出後，華仔稍作休息，開始為晚上舉行嘅第三場演出準備！