謝雪心生日開騷紀念任劍輝 恩師逝世35年情懷不變

謝雪心 籌備已久嘅歌韻頌恩師演唱會圓滿演出，吸引眾多嘉賓捧場。心姐為咗紀念恩師任劍輝逝世35周年，特別獻唱多首作品，憑歌寄意同樂迷一齊重溫任姐嘅動聽曲目。開騷嘅11月1號撞正係心姐生日，能夠同時紀念任姐令佢覺得更別具義意。

心姐為恩師任姐舉行音樂會
心姐喺演唱會上獻唱咗8首曲目與眾同樂，同時曝光咗大量未曾公開嘅珍貴照片，當中不乏心姐同恩師嘅生活照，令佢回憶瞬間湧現，仲透露35年來對任姐思念不減，仍然好掛住對方，每當睇到相片時，就一切覺得彷彿噚日發生一樣。
演出期間仲公開唔少珍貴圖片

今次嘅演出亦係為博愛醫院籌款，心姐一向為慈善出心出力，自己辛苦啲都冇所謂，最緊要係幫助到有需要嘅人，因為今次開騷長者及學生都冇半價優惠，難得獲有心嘅善長人翁支持，門票早已賣過滿堂紅，令心姐好欣慰。