惡人聚會丨黃子揚與經理人BoBo補辦婚宴 多名奸角惡人專業戶到賀

曾演過唔少古惑仔電影嘅反派專業戶黃子揚，2017年同內地經理人BoBo結婚，而喺11月2號同佢哋就於內地補辦婚宴，除咗《古惑仔》系列演員張文慈、大佬B吳志雄、朱永棠、尹揚明、肥屍梁焯滿等前來到賀外，斷水流大師林國斌、大軍程東、吳毅將、莫少聰及梁小龍等亦有出席。
新郎黃子揚與張文慈。張文慈與一對新人合照。左起：吳毅將、莫少聰同新郎黃子揚。
有份出席婚宴嘅張文慈，將當晚嘅影片post到社交平台，當中除咗有《古惑仔》演員上台同新郎黃子揚一齊合唱《友情歲月》外，張文慈亦充當氣氛組，獻唱《愛情陷阱》時學足譚校長咁不斷遞咪畀賓客，先係有林國斌、程東等，之後當佢將咪遞畀吳毅將時，對方直頭起身同佢對唱。由於全場氣氛相當高漲，吳志雄仲即席為張文慈伴舞啊！
《古惑仔》上台合唱。唔少電影人都有出席。
曾與惠英紅相戀嘅黃子揚，內地經理人BoBo係佢第三任妻子，二人於2017年在內地結婚，今年6月1日拍片宣布佢哋嘅BB已出世。

張文慈同大軍程東上台搞氣氛。