《中聲2》五美換辣妹形象組新女團 兩成員改名迎接新身份

《中年好聲音 2》五位美女唱將林思彤、王玥、陳俞霏、陳蒨葶同陳燕娜曾被幕後封為「五大癲后」，五位美女宣布以全新形象組新女團MISSY，日前MISSY正式宣傳出道，仲獲過百粉絲一早到場支持，MISSY以型格又性感嘅辣妹造型登場齊騷纖腰，熱情嘅粉絲們隨即歡呼尖叫。而五位成員除左換上新髮型新形象之外，其中兩位仲改埋新名迎接呢個新身份，陳蒨葶改名陳芊芸、陳燕娜改名為陳譽文。一班戰友顏米羔、譚輝智、劉威煌、梁浩賢、尹新杰、甘永傑等有到場支持。

林思彤、王玥、陳俞霏、陳蒨葶同陳燕娜組女團，獲《中聲2》戰友撐場。
對於成立女團，各人感到無比興奮，當中陳譽文（陳燕娜）更一度眼濕濕：「我們幾個由《中年好聲音》已經成為好好嘅朋友，關係就好似家人。當初收到呢個可以出道嘅消息，仲可以夥拍幾位好友組成女團，覺得好興奮。」

日前MISSY正式宣傳出道，仲獲過百粉絲一早到場支持！
當問到演唱會嘅準備情況，王玥笑言自己見四位隊友仲多過家人同朋友：「我哋五人都好珍惜呢個可以踏上舞台嘅機會，最近已經好努力排舞練歌，希望將自己最好一面展現畀大家，報答大家一直嘅支持。」

MISSY以型格又性感嘅辣妹造型登場齊騷纖腰，熱情嘅粉絲們隨即歡呼尖叫。
提及當中有咩驚喜，陳芊芸即大賣關子：「無論係演唱會主題、歌單編排、舞台設計、造型、化妝，我們都費盡心思，希望為樂迷帶來耳目一新嘅感覺，可能仲會有特別嘉賓，請大家多多支持。」

大會更為陳芊芸同陳俞霏兩位壽星送上生日蛋糕慶祝生日。
活動最後大會更為陳芊芸同陳俞霏兩位壽星送上生日蛋糕慶祝生日，一眾粉絲隨即唱生日歌，兩人又大送飛吻多謝大家，將氣氛推至最高點！