吳君如主演新戲倫敦奪最佳影片 獲老公女兒及任達華一家送祝賀

由吳君如、張天賦（MC）領銜主演、何妙祺執導嘅電影《我談的那場戀愛》，最近又獲海外影展肯定，喺第9屆倫敦東亞電影節中獲得最佳影片殊榮。

吳君如主演電影《我談的那場戀愛》喺第9屆倫敦東亞電影節中獲得最佳影片殊榮。
君如喺老公陳可辛同愛女陳是知（Jillian）陪同下出席頒獎禮，代表電影台前幕後上台領獎，君如難掩興奮心情，從影展主席田惠晶手上接過獎座後，君如更高舉獎項開心大呼：「我哋贏咗喇！十部戲！可以贏呀！好興奮呀！」

任達華呢次除咗獲頒終身成就獎，主演嘅《紅豆》亦係閉幕電影。
君如亦用英語表示自己緊張到心跳冒汗，再以廣東話讀出監製陳慶嘉同導演何妙祺嘅感言：「我們相信笑聲、感動和對人性善良嘅追求是世界性嘅，愛情同夢想，都係相信就係真，感謝所有觀眾、倫敦嘅觀眾支持同喜愛。」最後再用英語向多位評審以及電影節表達謝意。

君如亦用英語表示自己緊張到心跳冒汗，再以廣東話讀出監製陳慶嘉同導演何妙祺嘅感言。
君如多年拍檔兼老友任達華亦有亮相典禮，仲親身祝賀君如，華哥呢次除咗獲頒終身成就獎，主演嘅《紅豆》亦係閉幕電影。華哥嘅太太琦琦以及女兒任晴佳亦有在場，難得兩個家庭聚首，君如都操刀一齊Selfie合照，場面歡快。

君如多年拍檔兼老友任達華亦有亮相典禮，仲親身祝賀君如。
君如已喺開幕禮上獲頒發今屆影展的榮譽獎，當時佢喺台上感恩話自己今年「三喜臨門」，繼第44屆夏威夷國際電影節獲頒「焦點香港影人」大獎後，再憑《我談的那場戀愛》入圍金馬影后，然後獲得今次影展肯定意義非凡。