黑色月光丨黃翠如身形圓潤孕味濃 郭鋒慘被林夏薇真摑打甩隻牙

熱播劇《黑色月光》一眾演員楊茜堯、林夏薇、黃翠如、郭鋒、何廣沛、林景程及楊明等呢日到商場宣傳，盛傳有喜嘅翠如亦有現身，著上鬆身裙加長風褸，見佢身形圓潤咗，落樓梯要工作人員扶，令懷孕消息更加似層層。
黃翠如出席宣傳活動，上落樓梯都有工作人員攙扶住。

問起懷孕一事，翠如就笑到咁。
被問呢排有冇好人恭喜佢，翠如受訪時未有否認懷孕，只係話屋企人同最close嘅人都冇問，傳媒朋友問得最多，翠如就話只有一個答案，有好消息真係會主動同大家講。
何廣沛、林景程
上星期劇情講到茜堯向「莫Sir」林景程出手，觀眾大讚茜堯復仇眼神凌厲，足以奪視后，而林景程化老妝演奸角亦入型入格，茜堯預告越接近目標，感覺就越爽，而翠如喺劇中心態開始轉變，同時跟楊明有感情線，楊明卻自嘲「朱柏中」呢個角色多情種。
黑色月光06.jpg
薇薇與「爺爺」郭鋒呢日喺宣傳喜相逢，即將黑化嘅薇薇，就話嚟緊劇情講佢掌摑郭鋒，薇薇笑指拍打人場口好大壓力，多謝郭鋒嘅信任，叫盡情打落去，郭鋒笑指薇薇一Take過，令自己唔見咗一隻牙，郭鋒話冇出聲以免影響到薇薇心情。