Yumi總結《臥底嬌娃》演出經驗 慘被前輩強吻失控爆喊

參加《聲夢傳奇》出道嘅 鍾柔美 今年唔止升讀大專，亦正式參與劇集《臥底嬌娃》演出。新劇中扮演 關禮傑 同 邵美琪 囡囡嘅Yumi，劇中又同 張曦雯 陳瀅 仲有 羅毓儀 等有大量對手戲，日前劇集煞科，台前幕後齊齊食飯慶功，Yumi亦喺社交平台Post出拍攝期間嘅小片段。

近日完成《臥底嬌娃》演出嘅Yumi分享拍攝趣事
Yumi分享佢同劇中父母嘅全家福，亦有同幾位姐姐嘅愉快合照，當中又包括佢累極瞓著嘅斷頸睡相，仲有被圈中前輩Yuki強吻嘅影片，避無可避嘅Yumi硬食一嘴，Yuki就露出勝利微笑。

當中有喊到非常悽涼嘅片段

又被師姐Yuki強吻
更加有落水戲份

不過最令人憐惜嘅，可能就係Yumi一個人爆喊嘅影片喇，雖然只係短短幾秒，估計同拍劇時間長加上要兼顧學業缺乏休息所致，相信拍攝完成之後，Yumi就有更多時間休息同專注學業喇。

完成拍攝之後就可以好好休息同變返一位學生妹喇