泳兒玩Game敗陣賴男友持久力世界認真組織邀阿姐斟足百杯熱咖啡

陳健安泳兒女團 VIVA 等呢日參與一個童年遊戲比賽，結果最後由 ValC 勝出，連一早同男友密密練習嘅Vincy都話非常可惜，仲認為係男友持久力不足累事咁話喎。雖然年輕一輩可能被認為只要電子奶嘴就乜都唔理，不過ValC就反而後浪推前浪勝出，佢就指自己有少少幸運喇。

泳兒出戰同安仔對決，敗陣嘅佢就指係操練對手水平引致喎
亞軍安仔本來以為同師妹雲浩影組隊出戰，仲話練習時節奏非常好，令佢對比賽有唔少期望，而Cloud就話玩到手都瘀埋呀。至於出名認真做世俗人眼中所謂無聊事嘅世界認真組織，早前邀請汪明荃任嘉賓，仲狠排阿姐斟足100杯咖啡，呢日佢哋就提到阿姐認真態度無出其右，仲話低估咗阿姐嘅力量同接受年青人搞笑嘅氣量呀。