陳凱琳為圓聖誕纜車夢豪搭近千元的士 《東張》女神梁敏巧情傾「大隻Baby Face」

29歲《東張》女神梁敏巧（Maggie）自上月被《呃錢》苦主「Baby face」點名追求，更公開示愛揚言30日內打動女神芳心，梁敏巧瞬間成為網絡紅人，近日佢同陳凱琳（Grace）一齊宣傳全新打卡秘境「昂坪觀景台」，以不同角度感受大嶼山風光，一邊飽覽自然風景、一邊呼吸清新空氣。

陳凱琳宣傳全新打卡秘境「昂坪觀景台」，以不同角度感受大嶼山風光。
Grace欣賞大嶼山風光，不禁發出少女式尖叫，又拎出手機自拍，大讚恍如享受咗一場「森林浴」一樣，令生活及工作壓力全消，Grace回想有次喺聖誕正日帶大仔Rafael同二仔Yannick坐纜車歡度佳節，當時孻仔Carlos未出生，豈料大懵嘅Grace喺預約交通時只輸入「昂坪」，司機載咗佢哋去馬鞍山嘅昂坪，Grace為咗唔想兩個仔失望，馬上再Call車去大嶼山，指就算節日加價至逾700元都照去，因為「大膽孖寶」Rafael同Yannick都超級鍾意坐纜車，仲指明要坐全透明玻璃嘅全景纜車。
Grace平時熱愛親子活動，不時安排啲寶貝仔嘅玩樂行程。

Grace又指新增設嘅觀景台只須從昂坪纜車站步行約15分鐘就抵達，可以遠眺整個昂坪高原、天壇大佛、寶蓮禪寺、昂坪市集及港珠澳大橋；Grace亦好欣賞現場貼心準備「打卡」小遊戲，由即日起至2025年1月1號， 大家憑即日纜車門票換取「打卡秘境尋寶圖」，只要喺「昂坪觀景台」及昂坪市集兩大新景點嘅「港式主題壁畫」及商店「港呢啲」蓋滿3個印章，即可換領纜車造型行李牌一個。

Grace指新增設嘅觀景台只須從昂坪纜車站步行約15分鐘就抵達。
而《東張》女神梁敏巧平時鍾意行山遠足，放鬆心情及減壓，最近憑TVB綜藝節目《呃錢》人氣再度急升，大推港人8折纜車門票優惠，由即日起至11月30號，持有香港身份證嘅賓客在東涌纜車站或昂坪纜車站購票，即以8折購買纜車標準車廂門票。

梁敏巧希望同另一半一齊搭纜車，肩並肩欣賞日落美景，更大方分享擇偶條件。
梁敏巧回想讀書嗰陣曾試過跟初戀男朋友進行纜車約會，諗起呢段Puppy Love亦不禁甜笑，更直認係「戀愛腦」，希望同另一半一齊搭纜車，肩並肩欣賞日落美景，更大方分享擇偶條件，指外表Baby Face幾可愛，但佢更鍾意擁有古銅色肌膚嘅陽光男孩，最好係個性善良、孝順兼幽默，而佢心目中嘅男神就係「大隻Baby Face」彭于晏！

現場有貼心準備「打卡」小遊戲，由即日起至2025年1月1號， 大家憑即日纜車門票換取「打卡秘境尋寶圖」，蓋滿3個印章，即可換領纜車造型行李牌一個。