《黑色月光》上演撞車奪USB戲份 茜堯浩信展現視后視帝級演技

熱播台慶劇《黑色月光》，劇情講到Moon姐(楊茜堯飾)同成風(王浩信飾)終於攞到錄有蔣基俊(馬志威飾)殺人證據嘅USB，二人準備將證據交予警方，不料蔣基俊突然殺到，為咗搶奪USB，竟然揸車衝撞Moon姐同成風，之後順利奪走USB唔單止，仲對住受傷嘅二人露出邪惡嘅笑容，直情令人嬲到想打爆部電視。
王浩信 同 楊茜堯 呢日要拍撞車戲。
呢場短短唔夠一分鐘嘅撞車戲，拍攝過程一啲都唔輕鬆，為咗保障演員嘅安全，Moon姐同成風都有公仔替身，不過二人都要坐上架車，演繹被撞一刻嘅反應，茜堯同浩信當然不負眾望，展現出視后視帝級演技。
佢哋兩個嘅公仔替身。
而撞人嘅馬志威都唔惹小，除咗要親自揸車衝撞，仲要反覆練習猙獰嘅面部表情，最後拍出來嘅效果可以話係逼真又震撼。
馬志威個樣好兇。