金世正新劇與李鍾元邊飲邊拍 神話李玟雨挑戰音樂劇吻戲考起

近年轉型成為演員嘅 金世正 近日同 李鍾元 合作嘅愛情喜劇出爐，呢日佢哋同一眾演員齊齊現身發佈活動，世正就大讚拍檔有如生啤一樣有深度，會令人又醉又飽，比喻非常有趣又特別。

金世正同李鍾元合演新愛情喜劇
 性格南轅北轍嘅佢哋，本來有如火星撞地球，點知撞得兩撞就撞出愛火花，而拍攝時氣氛仲非常好，仲不時會邊飲邊拍，大家情緒放鬆之下令現場氣氛更加好呀。
睇嚟幾位演員相處得非常融洽

另外 神話 成員 李玟雨 同女團出身嘅 南圭麗 ，近日亦同時首次挑戰音樂劇演出，呢日嘅發佈會中，李玟雨似乎已經走出早前被好友騙財嘅陰霾喇。而今次初嘗音樂劇演出，佢哋都針享今次演出同綵排嘅趣事，玟雨仲話一諗起要錫對面就怕醜又尷尬喇。

李玟雨(左二)就會同南圭麗(左四)首次參演音樂劇