男神趙又廷落魄形像拓展新戲路 新戲飾演實力派女星宋佳癡心前夫

台灣男神 趙又廷 自從榮升爸爸之後戲路開始廣闊，形象亦有所轉變，以往永遠見到佢都係斯斯文文，呢日佢同 宋佳 鍾楚曦 等現身上海為新戲宣傳，就滿面鬚根，成個落魄大叔咁，不過呢個形象可能都係為戲宣傳，趙又廷喺戲中飾演宋佳嘅癡心前夫，佢自己覺得角色好可愛，亦好開心自己嘅新形象可以帶歡樂比大家。

趙又廷(右二)新片角色係一個新挑戰
宋佳飾演嘅角色原來原型係導演邵藝輝嘅媽咪，宋佳就大讚導演嘅功力，唔止有好多新觀點，又充滿包容力，可以將一個平凡嘅故事拍得好唔平凡。
宋佳面對趙又廷求離婚再求復合會點面對呢？

同樣喺上海舉行嘅仲有一場時尚藝術展，邀請咗唔同世代嘅型男到場，包括40+嘅馮紹峰、30+嘅劉憲華同20+嘅王俊凱。另外出席嘅仲包括一代星女郎林允以及江疏影，大家對藝術展都表現出高度期待。

馮紹峰亦同唔同年代嘅男星一齊參與一個藝術展