蔡卓妍特登改機票撐中同開騷 化身小迷妹拎燈牌應援

蔡卓妍（阿Sa）17號就出發去溫哥華，準備Twins嚟緊喺當地嘅巡迴演唱會，而一眾fans亦好有心，無論係喺香港出發，定去到溫哥華當地，都有fans準備好蛋糕為今個月22號生日嘅阿Sa慶祝生日。

溫哥華當地fans準備好蛋糕接機，為阿Sa慶祝生日。阿Sa為咗睇甘仔演唱會，特意改機票遲一日飛。甘永傑（甘仔）同阿Sa係中學同學。
講到有心，阿Sa對身邊嘅朋友都相當有心，唔講唔知原來佢同《中年好聲音2》嘅甘永傑（甘仔）係中學同班同學，所以不時會同丁子高、關智斌、容祖兒等一齊聚舊一齊玩，所以甘仔喺16號同《中聲2》嘅顏米羔、劉威煌、梁浩賢一齊開騷，阿Sa都特登改遲一日機票，約埋丁子高、陳逸寧、鄭子邦等好友一齊去撐場，睇騷時阿Sa仲拎埋甘仔嘅應援燈牌，喺台下化身小迷妹一齊唱一齊跳呀。
阿Sa同丁子高、陳逸寧等一齊去撐中同演唱會。
阿Sa同甘仔感情好好。