李施嬅否認刻意向電影界發展 期待與胡說八道姊妹欣賞新作

李施嬅 身兼監製、編劇同演員嘅電影喺香港上映，佢同有份演出嘅柏天男以及導演現身優先場。見到作品正式喺大銀幕上映，李施嬅希望觀眾喜歡，佢話由於電影資金唔多，所以開拍時都要克服好多問題，兼且要搵贊助，正如電影海報就由朋友公司拍攝，佢話當時啱啱做完甲狀腺手術就開拍，所以而家睇番海報都覺得個樣有啲腫，不過拍攝時就唔覺。

李施嬅主演同時編劇監製嘅電影近日上映
今次身兼三職，未來會否計劃喺電影圈發展，李施嬅強調冇刻意喺邊一方面發展，只要有好劇本就會接拍，不論任何地方都會考慮。
佢仲話任何地方嘅好劇本都會考慮

未婚夫原本想包場支持，但被李施嬅拒絕，因為想畀多啲粉絲入場欣賞。另外，一班「胡說八道」嘅好姊妹因為各有各忙，未能現身優先場欣賞，不過李施嬅透露稍後會相約好姊妹一齊欣賞自己嘅作品，佢都承諾而家各有各忙，甚少機會相約見面。

施嬅話未婚夫原本想包場支持，不過被佢拒絕