羅啟豪預告聖誕市集賀佳節 密密錄新歌道出單身族心境

《中年好聲音》唱將 羅啟豪 呢日現身潮州節活動獻唱，雖然佢唔係潮州人，但就相當鍾情潮式食品，好似糖醋面、魚蛋粉、清心丸綠豆爽都係佢嘅至愛。

Ramon呢日自言至愛潮州各式美食
Ramon呢日亦預告下個月會喺赤柱同豪殼開設專屬嘅聖誕市集，到時有12個攤位，有美食有遊戲亦會寄賣社企產品，同粉絲仲有市民過充滿愛嘅聖誕，Ramon亦會喺26號Boxing Day作戶外演出。
聖誕佢又會同Fans合辦市集，亦會參與戶外演出

呢輪Ramon亦密密錄製自己新一首個人單曲，計劃喺下年年頭推出，Ramon預告呢首歌會係一首自己寫照嘅情歌，表達單身人士嘅心境，同時希望單身一族亦會有共鳴。