Rain相隔8年再訪上海狂派心心 F.I.R.前主音Faye大熱歌曲展唱功

韓國舞王Rain相隔8年再訪上海出席活動，獲大批粉絲到場支持，Rain狂擺心心手勢俾大家影相之外， 亦學定兩句中文同大家打招呼，佢話：「大家好﹐好久不見，非常感謝。」 Rain亦以韓文多謝粉絲到場，又分享平日嘅購物習慣，佢指平日出街購物唔太方便，而私下買衫就偏愛可以重複穿著嘅簡單款式。

已經8年冇現身上海嘅Rain，呢日大受現場Fans歡迎
同場亦有台灣歌手 詹雯婷(Faye)受邀演出獻唱幾首大熱歌曲，當然包括大熱嘅古裝劇歌曲《訣愛》。 Faye有好幾年冇推出個人專輯，呢日佢透露經已埋首創作音樂作品，叫粉絲期待佢嘅新作。
Faye呢日透露好快就會有新歌推出

上海另一個時尚活動邀請咗內地小生黃軒、人氣小花關曉彤、跨欄女神吳艷妮以及日美混血歌手慶伶出席，關曉彤以紅髮洋娃娃打扮到場令人眼前一亮，佢喺被喻為內地版《回答吧》嘅年代劇《小巷人家》回歸撲素一面反應唔錯，仲被看好有望再度沖擊獎項，不過關曉彤自爆本人同角色筱婷嘅反差好大，只係強行投入角色嘅情緒之中，努力演繹劇中角色。
關曉彤呢日現身嘅打扮非常特別

而黃軒最近投入新劇嘅拍攝之外，亦抽空做野生救援為保育海洋生物出一分力﹐親身潛入海底清理被棄置嘅漁具同魚網。

黃軒早前就為清理海洋垃圾出一分力