StarTalk丨趙學而調整心態面對年齡增長 堅持保持好奇心越活越年輕

趙學而間唔中衝出嚟畀啲驚喜樂迷，12月頭即將開騷，佢除咗密鑼緊鼓排練之外，趙學而呢日接受TVB娛樂新聞台節目《StarTalk》，跟主播許文軒暢談開騷原因，笑指體力同記性大不如前。

趙學而接受 許文軒 《StarTalk》訪問。
趙學而唔介意以「50 Plus」為個唱主題，認為最重要係保持心境年輕同好奇心，每日要給予自己好多新鮮感，趙學而指入行時認識唔少長輩，好多前輩分享更年期徵兆，自己又做婦女節目出身，呢方面好早已調整心態面對年齡增長，完全唔擔心。
趙學而認為最重要係保持心境年輕同好奇心。
趙學而坦言有得玩就玩、有得做就做，又指今次開騷有唱人哋啲歌，喺記歌詞上確係要加把勁。趙學而呢次邀請鄧建明（Joey Tang）擔任音樂總監，喺編曲上加啲震撼力，希望感染到觀眾覺得團火勁啲。趙學而坦言對推出新歌或新專輯有保留，擔心新作未能與樂迷接軌，暫時未諗得通點去做，笑指唔急就一路拖住先。