汪明荃紅磡演唱會今晚開鑼 進行拜神儀式祈求事事順利

一連兩場「阿姐 •汪明荃演唱會2024」將於今晚喺紅磡體育館開鑼，汪阿姐相隔7年後嘅紅館個唱。阿姐中午時分與一眾主辦單位進行拜神儀式，大家誠心上香祈求事事順利。阿姐嘅忠實粉絲亦喺紅館外守候，為阿姐打氣，當粉絲見到阿姐行近佢哋面前，粉絲即把握機會送上禮物，更預祝阿姐今晚演唱會成功。

阿姐中午時分與一眾主辦單位進行拜神儀式，大家誠心上香祈求事事順利。
阿姐早前透露邀請陳慧琳﹑容祖兒及楊千嬅三位天后擔任演唱會嘉賓，是次演唱會嘅製作班底陣容鼎盛，由鍾寶圈監製、陳華國擔任服裝設計，趙增熹任音樂總監，Sunny Wong任舞蹈總監，汪阿姐表示對此專業團隊信心十足，一定會為觀眾帶來精彩嘅演出！

阿姐嘅忠實粉絲亦喺紅館外守候，為阿姐打氣。