陳嘉樺互90歲婆婆互動超有愛 盼大眾多關懷獨居長者

陳嘉樺Ella連續7年為一個慈善機構擔任愛心大使，為弱勢獨居老人提供生活所需，Ella呢日喺記招上，同一位受到照顧超過20年嘅獨居婆婆互動，90歲高齡嘅婆婆仲即場要求Ella唱歌。

Ella呢日活動上同一位老友記親密互動
近日天氣轉冷，機構為婆婆添置防寒衣物，Ella仲親自為對方着衫，之後仲讚婆婆着得好時尚，氹得婆婆相當開心。Ella指老人家就好似小朋友一樣，最需要嘅就係陪伴，因為佢哋最怕嘅係孤單，Ella指長輩們大多都會怕麻煩而唔會講，所以好多時都要靠年青一輩主動去多啲關心身邊嘅長輩，去指引佢哋講出自己嘅需求。

又為呢位精靈姐姐試著保暖衣物