Startalk一氣呵成版| 趙學而淡然面對更年期 自嘲心境似百五歲背歌詞成最大障礙

趙學而 唔止唔介意一早被封「而婆」，佢對年齡呢樣嘢更唔覺得係禁忌。即將開騷嘅佢以50+為主題，完全唔介意透露自己已到不惑之齡。早前佢作客 許文軒 主持嘅《StarTalk》分享自己咁豁達嘅原因，唔多唔少同當年主持婦女節目有關，一早接觸更年期資訊嘅佢，提早為自己打「預防針」。佢更笑言娛樂圈中人比一般工作嘅人老得快三倍，自己心境應該有150歲。 

學而下月初就會再次舉行演唱會

2016年開始不時開騷嘅趙學而鍾意新鮮感，每次選用不同場地，挑戰過紅館、伊館同StarHall，學而更享受喺數百人嘅細場演出，可以同觀眾有眼神嘅交流，更近距離感受台下嘅反應。

近年大場細場都唱過嘅佢，亦分享唔同場地嘅演唱感受

講起開騷準備，學而自認記性麻麻，加上樂迷鍾意佢重新演繹其他歌手嘅歌，所以首要任務就係努力記歌詞，另外佢自爆「發台瘟」老是常出現，相信熟識佢嘅歌迷都會習以為常。 呢次嘅演唱會搵來鄧建明(Joey Tang)任音樂監製，佢都好期待歌曲加入搖滾元素會產生咩化學效果。 被問會否推出新歌或出碟，學而好老實話同當今年青人嘅音樂口味脫軌，因為尚未拿捏主攻邊個族群，所以無計可思下都未有出歌計劃。

佢又話記歌詞係整個演唱準備工作中最困難嘅事