陳寶珠現身慈善活動難證呂奇死訊 馮允謙同場父母超羨慕合照集郵

陳寶珠 近年甚少現身公開活動，不過有意義嘅慈善事務就例外喇。呢日寶珠姐就再以大使身份參與血癌基金活動，已經足足擔任大使23年嘅佢，依舊獲大批戲迷於現場熱烈支持，寶珠姐亦走近同大家握手打招呼，仲話多謝大家追隨自己幾十年呀。

寶珠姐呢日現身活動大受戲迷歡迎
寶珠姐話每年同大家見面時間唔算多，而雖然今年係七公主60周年，但係暫時就未特別安排慶祝紀念活動。至於當年同佢一齊被封為「影壇金童玉女」嘅 呂奇 傳出4月時於台灣辭世，寶珠姐就指由朋友口中收到消息，但係因為已多年未有聯絡交往，所以難以確認事件。
佢由朋友口中收到呂奇傳離世嘅消息，不過與對方已多年未聯絡故難以證實

馮允謙 呢日亦係活動嘉賓，仲話連父母都非常羨慕，最驚喜係寶珠姐竟然識得自己，於是就立即求合照集郵，仲話前輩超級友善，希望有機會可以合作就至好咁話。

Jay Fung爆父母非常羨慕自己同寶珠姐同場