關曜儁經營生意有道成功進軍大灣區 與李君妍有共同理念發展身心靈治癒

近年灣區發展成為港人大趨勢，圈中藝人相繼到內地演出同尋求商機發展。除咗演藝事業之外，經營各行各業生意都有機會大展拳腳。

關曜儁同李君妍出席一個商務活動，Leo仲獲任成為理事會成員
好似 關曜儁 近年除咗藝人身份之外，亦落力經營健身行業，呢日就獲大灣區總裁協會委任成為理事會成員，成功打入大灣區。佢仲同好友 李君妍 一齊出席，又合力示範一啲拉筋舒緩動作，教大家點樣放鬆。
Leo既係健身教練，亦係兩孩之父

Leo近年喺無綫發展不俗漸漸有機會冒出，啱啱先完成新劇《卧底嬌娃》拍攝，身兼健身教練嘅Leo一直著重健康理念，自己都keep得一副好身形，佢想透過自己影響別人擁有身心都Fit嘅狀態。
近日佢先完成《臥底嬌娃》拍攝

而李君妍亦於早前趁工餘時間考獲健身牌照同香薰治療證書，方便擴闊事業版圖，佢同Leo有不謀而合嘅發展概念，所以都希望除咗演員身份外，能透過運動同身心靈治癒嘅結合，幫助更多人。而Leo現時經營嘅健身中心主力以自己做核心概念為主，未來有機會擴展到灣區發展，幕前及健身兩兼顧。

Fit爆嘅李君妍早前亦考獲健身教練資格

佢指希望結合運動同身心靈治癒幫助有需要朋友