意料之踪丨洪永城揭意大利小鎮盛產人瑞之謎 檸檬經濟養起成村人

洪永城（Tony）、吳兆麟 ( Alan)及林紋蔚（Amy）主持嘅全新另類旅遊節目《意料之踪》，將於今晚起逢周一、二及周四、五晚上8點半喺TVB Plus（82台）播映。

洪永城今晚壓軸登場夥拍老拍檔Amy「食檸檬」，今集介紹Limone sul Garda小鎮位於Brescia市，處於意大利最北端。

洪永城喺食欲之國尋找美味，更實地考察Farm To Table嘅真實過程。
《意料之踪》一共12集，由米芝蓮推介嘅港人大廚Amy親自帶隊，帶住洪永城及吳兆麟喺食欲之國尋找美味，更實地考察食材由農場直送餐廳做菜（Farm To Table）嘅真實過程。

呢個小鎮每日吸引逾百遊客前嚟參觀，單係檸檬經濟已足以養起成村人。
洪永城今晚壓軸登場夥拍老拍檔Amy「食檸檬」，今集介紹Limone sul Garda小鎮位於Brescia市，處於意大利最北端。當地風光明媚，特點係冬天唔算凍、夏天陽光又唔算猛烈，提供種植檸檬嘅絕好環境，每日吸引逾百遊客前嚟參觀，單係檸檬經濟已足以養起成村人。

洪永城學整嘢食，好似幾專業咁！

佢仲即場試食添！
洪永城透露呢個只有千多人嘅小鎮，目前有10幾位人瑞︰「小村好封閉冇乜外來食物，村民主要食物就係檸檬、橄欖油同湖魚，有研究認為基因產生異常蛋白，令佢哋長壽。」

洪永城呢個旅遊達人全程好細心學習。
Amy指呢個小鎮自17世紀開始種檸檬，跟衫褲鞋襪都拉上關係，係歐洲主要要產地。佢哋參觀一所檸檬博物館，館內嘅檸檬園保留古法種植方法，讓遊客有沉浸式體驗。洪永城即席剪下新鮮檸檬品嚐，佢話聞落好香好似香水咁，又有好強烈嘅酸味，但嗰種酸係感覺清新。而園主亦換一個由超市買嘅普通檸檬畀佢哋試，洪永城同Amy食完即苦口苦面！

洪永城試吓搬起，好似幾重咁。做咩事搞到洪永城咁嘅樣呢！？
《意料之踪》逢周一、二及周四、五晚8點半TVB Plus(82台)播映