30歲何依婷凸肚出騷宣佈懷孕喜訊 孖老公蘇梅島旅行享受產前蜜月

30歲何依婷（Regina）喺2017年參選港姐奪得亞軍後入行，今年三月跟從事物流工作嘅圈外男友喺峇里島舉行婚禮，講明婚後以工作為重，生B計劃隨緣，又指長老非常隨和冇壓力，呢日卻突然宣布有喜！

何依婷今日喺大埔出席一個聖誕活動，見佢粉紅色連身短裙兼肚凸凸。

何依婷今年三月跟從事物流工作嘅圈外男友喺峇里島舉行婚禮。
何依婷今日喺大埔出席一個聖誕活動，見佢粉紅色連身短裙兼肚凸凸，大方宣布懷孕喜訊。見佢身形纖瘦，肥肚不肥身，遠睇完全唔似大肚婆。

何依婷大方宣布懷孕喜訊。見佢身形纖瘦，肥肚不肥身。
何依婷全程流露出甜美笑容，難掩做準媽咪嗰份喜悅，指BB係今年聖誕節同人生最好嘅禮物，何依婷透露3個月前拍緊TVB新劇《金式森林》時已經有咗，佢更同老公趁BB未出世前，去蘇梅島度假，盡情享受產前蜜月（babymoon）過二人世界！

何依婷今日喺IG貼出大肚相，大曬幸福！

何依婷今日喺IG貼出喺海島之旅影嘅大肚相曬幸福：「感恩寶寶的到來是上天賜給我們最珍貴的禮物，經歷這個神奇的懷孕之旅，期待你成為健健康康、肥肥白白的小寶寶👶🏻🍼，感謝老公的照顧讓我自由地做自己喜歡的事情，無論工作或玩樂都無限支持，讓我做個快樂的小孕婦💕，懷孕後真的體會到天下間所有媽媽的不容易祝大家身體健康～妳們辛苦了！希望我們的寶寶都快高長大平平安安。」

何依婷全程流露出甜美笑容，難掩做準媽咪嗰份喜悅，指BB係今年聖誕節同人生最好嘅禮物。