鍾嘉欣開騷獲父母細女捧場中途感觸爆喊 「補擺喜酒」接受歌迷祝福

長居加拿大嘅鍾嘉欣（Linda）日前返港會閨蜜後，日前去咗佛山舉行一連三場演唱會，雖然嘉欣隔咗三月再喺內地開騷，但係歌迷反應熱列，三場爆滿，嘉欣首先以《一顆不變心》揭開序幕，掀起歌迷們嘅集體回應。

嘉欣嘅父母同細女Anika特登由溫哥華飛嚟捧場，可能有屋企人在場，嘉欣非常感性。
嘉欣嘅父母同細女Anika特登由溫哥華飛嚟捧場，可能有屋企人在場，所以嘉欣特別感性，唱到作畀仔女嘅歌曲《做你的晨曦》嗰陣，仲喊到收唔到聲﹐嘉欣中途更請歌迷幫手唱落去，之後嘉欣自嘲話喊到好醜樣，冇諗過自己會喊。

嘉欣冇耐之前先喺廣州開騷，不過佛山站無論歌單或者服裝都有所改動。
嘉欣冇耐之前先喺廣州開騷，不過佛山站無論歌單或者服裝都有所改動，嘉欣成個騷配合唔同曲風換咗多套靚衫，有火紅舞衣、清純嘅白色喱士裙、可愛嘅毛毛背心加粉紅短裙，風格多變非常有誠意。

嘉欣透露自己當年秘婚未有喺香港設婚宴，呢日係同歌迷補擺喜酒，面對面接受歌迷嘅祝福。
呢個騷亦保留拋花球環節，嘉欣喺台上獻唱，台下一對對歌迷甜蜜咀嘴，氣氛溫馨，嘉欣仲有搞笑重演當年選美嘅環節，話自己係「今年18歲嘅來自溫哥華嘅12號佳麗」，嘉欣搞笑完後重回環節主題，透露自己當年秘婚未有喺香港設婚宴，呢日係同歌迷補擺喜酒，面對面接受歌迷嘅祝福，嘉欣唱出當年為自己創作嘅結婚歌《我結婚了》。