鄧麗欣3月紅館個唱優先購票火速售罄 拍片宣布加場祝樂迷買飛成功

鄧麗欣（Stephy）將喺明年3月14至15號舉行首個個人紅館演唱會，前日優先購票火速售罄反應熱烈。Stephy噚日喺社交平台上載影片答謝樂迷支持，並宣布加開一場，佢寫道：「原來夢想沒有離我很遠......」！

鄧麗欣將喺明年3月14至15號舉行首個個人紅館演唱會。
Stephy興奮咁感謝大家咁快手，啲飛好快賣晒：「有人快手、有人慢手，我睇到留言有Fans話買唔到飛，亦有Fans話3月16號星期日都得閒，問我加唔加場。考慮咗一晚之後，為咗買唔到飛嘅你哋，我喺度宣布加開一場！」

Stephy噚日喺社交平台上載影片答謝樂迷支持，並宣布加開一場。
三場門票將喺12月5日上午10點喺售票網公開發售，Stephy叫大家到時快手啲去搶，而自己喺呢段時間要熱身準備演唱會，祝大家買飛成功。

Stephy叫大家到時快手啲去搶，而自己喺呢段時間要熱身準備演唱會。