莫鎮賢為演唱會綵排 四位女唱將組限定女團

莫鎮賢相隔三年再開騷，今次仲邀請何婉盈、文佩玲、李樂詩以及中一生李泇霖同台演出，幾位實力派唱將呢日為演唱會綵排，大家可以先聽為快。

莫鎮賢 李泇霖
幾位女神同莫鎮賢好有淵源，所以佢一開到聲，大家當然都義不容辭啦，佢哋都異口同聲話同莫鎮賢合作感覺好舒服，亦喺佢身上學到好多嘢，而莫鎮賢都好珍惜呢個機會，話係緣份亦係福份。
莫鎮賢 何婉盈
幾位女神除咗會同莫鎮賢演繹一首首好歌之外，佢地仲預告會有舞蹈演出，不過莫鎮賢就笑言自己老啦，所以唔會大跳，集中喺唱功方面，所以跳舞嘅重任就交比四位女將啦，佢哋仲講笑話有新女團將會誕生添。

莫鎮賢 李樂詩莫鎮賢 文佩玲