胡鴻鈞吳業坤默契足靠心領神會 預告香港站演唱會歌單有驚喜

胡鴻鈞同吳業坤自從參加比賽相識至今，屈指一算已經14年，嚟梗佢哋將會舉行兩人首個演唱會。由於佢哋都係大忙人，不時要往內地工作，為咗爭取時間綵排，日前佢哋趁同時喺廣州工作，就抽時間喺band 房綵排。

胡鴻鈞同吳業坤自從參加比賽相識至今，屈指一算已經14年，嚟梗佢哋將會舉行兩人首個演唱會。
由於時間緊迫，排練時間唔多，但好彩佢哋互相了解，綵排期間遇到任何問題同想法，只係靠幾個眼神就心領神會，唔使花太多唇舌長篇大論去討論。喺歌單方面，獨唱部份時佢哋各自嘅經典名曲都有唔少，至於合唱部份除咗「友共情」外，其他曲目就暫時保密，但佢哋相信必定會令入場嘅觀眾感到驚喜。

胡鴻鈞 X 吳業坤《GROW WITH THE FLOW 演唱會》綵排。
Hubert同坤哥話今次演唱會唔單止係一個屬於佢哋多年嚟嘅「約定」，希望大家見到佢哋嘅成長，以及一直以嚟嘅努力，台上台下好似老朋友聚會咁互動，享受一個屬於大家嘅晚上。

Hubert同坤哥話今次演唱會唔單止係一個屬於佢哋多年嚟嘅「約定」，仲想台上台下好似老朋友聚會咁互動。