陳百祥75歲生日 公然錫錫「二奶」夏文汐

陳百祥 叻哥 日前舉行為自己舉行75歲生日party，多位圈中人許冠文、林國斌、菊梓喬、陳浩民、彭健新、崔建邦、王晶、梁競徽、陳國坤等都有應邀出席。
叻哥 75歲生日，有唔少好友到場祝賀。許冠文都有到場。正印 黃杏秀
雖然當晚「正印」黃杏秀在場，不過向來膽生毛嘅叻哥就完全冇顧忌，當緋聞女友夏文汐到場時，叻哥就攬住對方膊頭，將佢帶到去林國斌（Ben）、崔建邦、陳國坤嗰一枱，仲開口叫林國斌幫手照顧佢呢位二奶，叻哥對住眾人話：「阿Ben阿Ben，同我照顧我二奶，因為我要照顧我大婆。」

夏文汐到場。

阿Ben反問叻哥希望大家點樣照顧夏文汐？阿叻竟然叫大家「隊佢」，仲話夏文汐曾經同自己講過，從來未有一個男人飲贏過佢，不過叻哥都補充多句，係普通男人飲唔過夏文汐，但唔代表佢飲唔過。而交代好友好好照顧自己嘅二奶後，叻哥就喺夏文汐臉頰輕輕落下一吻後，就返返去正印黃杏秀身邊。
林國斌視叻哥為大哥。
生日party上，叻哥除咗同彭健新、吳國敬等Jam歌外，彭健新嘅兩位契女亦即場跳大熱洗腦神曲《APT.》，跳到一半叻哥同林國斌仲一齊加入，全場氣氛嗨翻。
唔少圈中好友都有到場。一齊上台jam歌。當晚大家玩得好盡興。