Rain預告明年來港開騷 鄧卓殷郭子豪明年4月辦婚禮

韓國天王Rain呢日嚟到沙田馬場為年度賽事擔任表演嘉賓，第一次喺馬場獻唱，Rain施展渾身解數又唱又跳，唱到興起阿Rain除咗落台同觀眾握手外，仲即場除外套大騷麒麟臂，搞到現場尖叫聲不絕。

Rain日前來港為年度賽馬盛事任表演嘉賓
睇得唔夠喉唔緊要，因為阿Rain預告下年會喺香港、澳門同台灣等地舉行巡迴演唱會，至於講到聖誕嘅安排，佢就話會同家人一齊過，之後就會繼續拍攝新劇，同時都將會有新歌推出，叫大家敬請期待呀。
佢仲指明年會分別於港澳開騷

同場演出嘅仲有樂隊Zpecial，四子就話好興奮可以同阿Rain喺同一個場地表演，仲話有趁化妝時間去欣賞阿Rain嘅演出。呢日四子着到官仔骨骨咁嚟夾Band，康聰就話畀個新嘅感覺大家呀。
Zpecial呢日都係表演嘉賓，仲偷時間欣賞阿Rain演出

而日到場嘅仲有 鄧卓殷Amber 同 魏浚笙，Amber透露下年4月將會同未婚夫郭子豪拉埋天窗，近日佢亦喺社交平台post出per wedding相，Amber指啲相係今年2月時影嘅，由於佢哋平日都好鍾意行山，所以呢次嘅婚紗相就揀咗喺呢個地方影，Amber話影相時每當郭子豪望住自己都會露出笑容，做唔到好chok嘅樣呀！

鄧卓殷明年4月就會同郭子豪成婚