張艾嘉受發哥鼓勵重拾跑步興趣 憶故友劉家昌感嘆輝煌時代完結

近排忙於宣傳電影嘅 張艾嘉 ，呢日換上一身運動裝同 馮允謙 導演 劉偉恆 參加慈善跑活動，原來令張姐重拾跑步興趣嘅幕後推手就係 周潤發 ，張姐話：「最初係佢不停呼喚我，希望我出嚟跑步，啱啱開始我真係跑唔郁，不過佢就一路陪住我跑，跑到我可以跑為止。」

張艾嘉指係受發哥不斷鼓勵而重拾跑步樂趣
張姐嘅老友劉家昌月初病逝，張姐話自己一直都知道對方嘅病況，所以得知消息都唔會覺得太突然：「因為我一路都知道佢嘅近況，知道佢身體唔好，不過都知道佢好好強，仲係好鍾意做音樂。」張姐話老友長期受病魔折磨，走咗都算係一種解脫。張姐話劉老師同瓊瑤相繼離世，好似代表ㄧ個時代嘅終結。
佢指一直有同早前逝世嘅劉家昌聯絡

至於啱啱跨足電影圈嘅Jay Fung，難得同張姐同場，當然要乘機向張姐攞貼士學做好演員，張姐就勉勵後輩最重要唔好放棄，同埋少啲得失心。至於做導演嘅貼士，張姐就搞笑話最緊要係捱得窮。

Jay Fung呢日趁機會向前輩請益