周奕瑋感恩再入圍「最佳男主持獎」 睇好許文軒方力申做新任接棒人

周奕瑋（Jarvis）、應屆港姐倪樂琳、梁嘉莹及楊梓瑤日前出席晚宴，Jarvis今年有份主持嘅旅遊節目《Grand住去台北》及《感動味蕾美食餐廳100強關西篇》均入圍競逐《萬千星輝頒獎典禮2024》嘅「最佳男主持獎」。雖然Jarvis好開心有機會再入圍最佳男主持，不過佢就另有得獎心水人選，第一位就係主播許文軒（Edmond）！
周奕瑋
Jarvis好希望可以由Edmond接棒。除咗Edmond呢個心水，Jarvis覺得方力申好有希望拎獎，特別係小方主持巴黎奧運時應對能力強大，所以自己特別睇好小方。
 應屆港姐梁嘉莹、倪樂琳及楊梓瑤
Jarvis好友麥美恩憑清談節目《Mayanne小喇叭》獲新加坡舉行嘅「2024亞洲影藝創意大獎」頒發「最佳娛樂節目主持」獎，Jarvis都話Mayanne一返到香港，二人已經食飯慶祝，佢亦為老友喺芸芸強勁對手中脫穎而出感到高興。
 
三位港姐不時結伴出席活動，臨近聖誕佳節，佢哋三個好期待一齊工作、一齊玩，感情好到就好似姊妹一樣。梁嘉莹笑言自己生活好無聊，所以經常期待開工，見到兩位姊妹就覺得好開心。