梁非同參演粵劇版東方三俠 李龍期待舞台展現八陣圖

梁非同、梁燕飛、曉瑜、李龍、梁兆明同王志良將於明年初參與粵劇折子戲，記者會上佢哋先後介紹演出內容，而今次賣點之一係加入電影《東方三俠》嘅概念，務求令觀眾有新鮮感，而一眾花旦更會挑戰耍兵器，非同、燕飛同曉瑜都話事前要加緊練習。

梁非同、梁燕飛、曉瑜一同接受訪問。
粵劇班主彭美施近年致力為粵劇加入新元素，務求吸引更多年青觀眾入場欣賞，而一眾新一輩演員亦多咗演出機會，非同感激施姐給予機會，覺得新人係需要踏台機會，同埋期待獲更多觀眾支持。
王志良 、李龍 、梁兆明
粵劇老倌李龍指今次折子戲中會出現八陣圖，對於電影或者劇集，呢個元素係唔陌生，但喺粵劇呈現都係創新嘗試，而志良都話會勤力練功，令觀眾睇到不一樣嘅折子戲。