王祖藍化身呷醋外父 與大女男朋友撞衫撞褲

王祖藍早前為大女 王天韻Gabby 同 細女 王海靜Hayley 一齊舉行生日party，佢哋邀請咗唔少小朋友參加，當中一位特別嘅「小賓客」就引起祖藍嘅警惕，佢就係被Gabby稱為男朋友嘅小男生喇！

王祖藍早前為兩個囡囡舉行生日會。王祖藍早前為兩個囡囡舉行生日會。
祖藍日前上載咗多條生日會現場嘅片到社交平台，當中包括佢同Gabby小男朋友首次見面嘅片短，祖藍仲專登喺帖文中寫道：「Gabby的男友居然跟我撞衫了，這就是傳說中的『命中註定』嗎？」原來當日祖藍同Gabby嘅男朋友都咁啱着咗淺藍色恤衫同淺卡其色長褲，片中仲好鬼馬咁將祖藍個頭key落小男友身上，再彈出「mini版祖藍」同「命中註定的緣份」嘅字幕，相當搞笑。
Gabby嘅小男朋友。

祖藍同「mini版祖藍」相遇！
Gabby嘅小男友同祖藍打完招呼後，就去咗波波池玩香蕉船，而Gabby亦隨即掉低爸爸去同小男友約會，祖藍睇到大女同小男友甜蜜打鬧嘅場面，相當震驚。之後祖藍又爆Gabby之前為咗氹小男友開心，而纏而媽媽李亞男要整朱古力曲奇餅，當時李亞男以為係囡囡自己想食，於是就話整畀佢食，點知Gabby語出驚人咁表示：「我要自己做，我要做給男朋友，我男朋友喜歡曲奇餅乾。」當時聽到祖藍都O晒嘴，而家再見到呢位「正主」，祖藍即刻變成呷醋外父，眼火爆咁話：「就是送給這個男生。」真係隔住個mon都feel到佢嗰陣醋味呀！
一對小情人約會。祖藍即刻變成「呷醋外父」！