郭晉安兼顧生意及幕前曬Chok爆工作照 吳卓羲歐陽震華拖手證友情惹陳豪爆笑

郭晉安（安仔）與家姐郭致因創辦嘅保健品及美容與護膚品供應商公司，日前掛牌上市，佢哋喺港交所進行敲鑼儀式，安仔擔任公司非執行董事及集團代言人，投放更多時間喺公司上，但安仔講明唔會放棄幕前，努力兩邊兼顧。安仔當然講得出做得到，見佢喺社交平台亦有上載開心工作照，相中見楊茜堯、吳卓羲、胡定欣、陳豪（阿Mo）及歐陽震華在場，陣容鼎盛，原來佢哋一齊亮相內地一個綜藝節目，分成兩隊玩遊戲！

安仔喺社交平台上載開心工作照，相中見歐陽震華、陳豪、楊茜堯、胡定欣、吳卓羲。
安仔同好友歐陽震華及陳豪一組，由吳卓羲同歐陽震華分別擔任隊長，眾人接受唔同嘅挑戰，主持先要求吳卓羲同歐陽震華互相跟對方講一啲狠話，佢哋都冇辦法講出口，歐陽震華仲笑住講「ABCD」，跟住佢拖住吳卓羲隻手，話佢哋平時除咗工作之外，仲會拖手逛街食飯傾偈，感情好好，令身後嘅安仔同阿Mo忍唔住爆笑，吳卓羲仲搞笑問主持係咪想挑撥離間，歐陽震華就用好狠嘅聲線講咗一句「我愛你」。

歐陽震華拖住吳卓羲隻手，話佢哋平時除咗工作之外，仲會拖手逛街食飯傾偈，感情好好。
而一向百厭又玩得嘅吳卓羲，跟茜堯同定欣玩遊戲好投入，不時手舞足蹈帶動氣氛，佢喺節目上亦有唱TVB劇集《巾幗梟雄》經典歌《紅蝴蝶》，齌睇網上流出嘅影片已感受到現場熱鬧又開心嘅氣氛，難怪安仔喺社交平台曬出Chok爆工作合照，好好紀錄低呢次相聚時光！

吳卓羲喺節目上亦有唱TVB劇集《巾幗梟雄》經典歌《紅蝴蝶》。

郭晉安與家姐郭致因創辦嘅保健品及美容與護膚品供應商公司，日前掛牌上市，喺港交所進行敲鑼儀式。

眾人老友鬼鬼，不忘拍片開心互動。一向百厭又玩得嘅吳卓羲，努力手舞足蹈帶動氣氛。