孖徐加晴老人院送暖 關嘉敏憶離世嫲嫲眼濕濕

關嘉敏 同 徐加晴 早前去探訪老人院同一班老友記提早過聖誕，感受節日歡樂氣氛，兩人大唱溫暖情歌，兼同老友記們玩遊戲。估唔到Carman仲同一位97歲嘅婆婆一見如故，更傾偈傾到喊，婆婆親切嘅語氣令佢回憶起疫情期間離世嘅嫲嫲，因為當時醫院嚴禁探訪，所以佢未能見嫲嫲最後一面，令佢感到相當遺憾。

Carman同Rona早前齊齊探訪老友記預祝聖誕
Carman參加《福祿壽訓練學院》神還原譚輝智深入民心，唔少老友記都記得之餘，現場仲叫佢輝智，Carman喺節目中努力嘅表現，亦令佢入圍今屆《萬千星輝頒獎典禮》嘅既飛躍進步女藝員十強，而對玄學有研究嘅徐加晴仲睇好好友會得獎。
曾扮演譚輝智嘅Carman呢日仲被老友記認出，猛叫佢輝智

徐加晴指2025年會轉為九運，特別旺眉毛濃密、短髮嘅中女，Carman就中咗大部分特徵，有徐加晴嘅贈言更令Carman心花怒放，更加有信心可以打入最後五強呀。