Felix林智樂《聲生不息》大獲好評 趁機集郵容祖兒自譽追星天花版

參加《聲夢傳奇》後去年推出首支派台歌《忘記趁早》正式出道嘅 林智樂 ，早前參與新一輯《聲生不息》擔任第二集嘉賓，Felix更於節目內先後獻唱三首歌曲，而其中嘅《完全因你》仲獲觀眾大讚水準極高，早前仲被認為係新生代嘅港樂代表。

Felix早前為《聲生不息》擔任飛行嘉賓，表現大受觀眾好評
Felix去年一正式出道之後，就分別於三個電台頒獎禮獲得新人獎嘉許鼓勵，而佢亦趁呢次機會，終於有機會同偶像 容祖兒 「同台」演出，Joey知道Felix係自己嘅小Fans之後，亦特別上台向佢送上鼓勵打氣。

獲偶像突擊打氣嘅Felix開心到唔識反應
去年Felix推出個人歌曲正式出道，成績不俗

Felix仲指出，自己參加比賽選唱《飛花》亦係因為Joey同克勤於演唱會曾合唱而心儀呢首歌，到有機會推出個人歌曲時，就因為深愛《搜神記》等歌曲，所以亦懇求作曲嘅 澤日生 為自己創作。
Felix指自己以《飛花》參加比賽亦有特別原因

呢次同偶像Joey同節目合作機會難得，Felix亦把握機會向Joey求簽名同合照，而Joey仲寫道「我哋遲啲一齊唱」，難怪Felix都話自己可以自稱係「追星天花板」喇。
今次成功向Joey求得簽名同合照，事後佢就話自己可以話係追星界嘅天花板咁話

《聲生不息．大灣區季》星期六晚 20:00 翡翠台